HATUA TANO ZINAZOFUATWA NA JUMIA FOOD KUWAFIKISHIA WATEJA CHAKULA

Na Jumia Food Tanzania

Endapo wewe ni mkazi wa Dar es Salaam kuna uwezekano mkubwa utakuwa umekutana au

kuwaona madereva wa pikipiki wakiwa wamevalia fulana na mabegi makubwa mgongoni yenye

rangi ya machungwa yakiwa na nembo ya Jumia Food.

Bila ya shaka utakuwa umejiuliza maswali mengi kuwa hawa madereva wanafanya shughuli gani

kuzunguka na mabegi makubwa mgongoni? Kama ulikuwa haufahamu, hao ni wafanyakazi

wa Jumia Food, kampuni inayotoa huduma ya chakula kutoka migahawa mbalimbali

kwa njia ya mtandaoni. Mteja anaweza kuagiza chakula kutoka kwenye mgahawa wake pendwa

mahali popote alipo na kupelekewa mpaka alipo ndani ya muda mfupi.

Nina uhakika utakuwa na maswali mengi juu ya namna wanavyofanya shughuli zao za

kufikisha chakula kwa wateja mpaka walipo. Kwa sehemu kubwa huduma ya chakula kutoka

kampuni hii hutegemea madereva wake wa pikipiki ambao ndio kiungo kikubwa

baina ya migahawa na wateja. Hivyo basi, katika makala haya tungependa kukufahamisha

juu ya hatua tano ambazo hufuatwa na kuzingatiwa na madereva hawa mpaka

wanakalimisha huduma ya kufikisha chakula.

1. Kukubali oda kutoka kwa timu ya Huduma kwa Wateja. Hii ni hatua ya kwanza kabisa

ambayo dereva wa Jumia Food anatakiwa kuifuata mara baada ya timu ya huduma kwa

wateja ya Jumia Food kuwasiliana naye. Hatua hii ya awali ni muhimu sana kwa

sababu ndiyo inayoonyesha taarifa zote zikiwemo: chakula kilichoagizwa na mteja, mgahawa

chakula kilipoagizwa pamoja na taarifa za mteja kama vile jina lake, anuani ya

mahali alipo na mawasiliano yake. Kwa kufanya hivi inaonyesha kuwa tayari huduma

imeshapokelewa na mteja atarajie kupata chakula alichokiagiza. Madereva hufanya hivi

kupitia simu zao za mkononi ambapo kuna mfumo maalumu unaowawezesha kufanya hivi.

Mfumo huu husaidia kampuni na mteja kujua mwenendo mzima wa oda ya chakula ipo

kwenye hatua gani.

 

2. Kuonyesha kuwa dereva amefika mgahawani. Hatua ya pili baada ya dereva kukubali

oda ni kuonyesha tayari amekwishafika mgahawani kwa ajili ya kuchukua chakula kilichoagizwa

na mteja. Dereva anapofika mgahawani hujitambulisha kwa anayehusika na

kupokea oda na kisha chakula huandaliwa ili kupelekwa kwa mteja. Kwa upande wa kampuni

na mteja wote wanaweza kujua hatua hii pia. Mara nyingi maandalizi ya chakula

huchukua muda usiozidi dakika 30.

3.Kuonyesha tayari chakula kimechukuliwa mgahawani. Baada ya chakula kuandaliwa

na kukamilika, dereva huonyesha kwenye mfumo tayari amekwishakichukua na yupo njiani

kuelekea kwa mteja. Hatua hii humjulisha mteja kuwa chakula chake kipo njiani,

hii humsaidia kama alikuwa anafanya shughuli zingine au mahali alipo kujiandaa kukipokea

ndani ya muda mfupi.  

4. Kuonyesha kuwa dereva amefika kwa mteja. Dereva anapofika mahali alipo mteja

aliyeagiza chakula huonyesha kwenye mfumo wake ili kumjulisha mteja aje kupokea huduma yake.

Kwa kuongezea, dereva hupiga simu kwa mteja endapo hakuwa anafuatilia

hatua zote kupitia simu yake ya mkononi. Kama ulikuwa haufahamu unaweza kupakua

App ya Jumia Food kupitia simu yako ya Android au iPhone ambayo imeboreshwa

zaidi na kukuwezesha kuweka oda ya chakula na kufuatilia hatua zote. Hii hukurasishia wewe

mteja kujua chakula chako kiko wapi na muda ambao kitafika mahali ulipo.    

5. Kukamilisha huduma. Hatua ya tano na ya mwisho kabisa ni kumkabidhi mteja chakula

alichoagiza na kisha kupokea malipo kutoka kwake. Kumbuka, malipo ya huduma za Jumia

Food hufanyika pale mteja anapopokea na kuridhika na chakula alichokiagiza.

Baada ya kukamilisha hatua hii, dereva huonyesha kwenye mfumo ili kutumiwa oda za

wateja wengine ili kuwahudumia.  

Ni rahisi kupata huduma za Jumia Food kutoka kwenye migahawa uipendayo hapa jijini

Dar es Salaam ndani ya muda mfupi mahali popote ulipo. Ni huduma yenye uwazi kwani

hatua zote kuanzia oda ya chakula ipopokelewa mpaka mteja anafikishiwa chakula

zinaonekana! Ni rahisi, ya kuaminika na inaokoa muda na usumbufu wa kutoka sehemu

moja mpaka nyingine kufuata chakula. Unaweza kupata huduma zao kupitia tovuti yao

au kwenye App ya simu ya mkononi na kisha kuperuzi orodha ya migahawa yenye vyakula

uvipendavyo karibu yako.