KAMATI YA NGUMI ZA KULIPWA YAPEWA MAJUKUMU MENGINE TENA

JAMHURI YA MUUNGANO WA TANZANIA

BARAZA LA MICHEZO LA TAIFA (BMT)

Simu: +255 (222) 2850015                                                                                                                               Barabara ya Taifa,

Baruapepe:  info@nationalsportscouncil.go.tz                                 

                                           Uwanja wa Taifa,

Tovuti: www.nationalsportscouncil.go.tz                                                                                         Ghorofa ya 2,

S.L.P 20116,

                                                                                                                                                           DAR ES SALAAM.

               

                                                                         

                                                                                            8 Februari, 2018

TAARIFA KWA VYOMBO VYA HABARI

Ndugu waandishi wa Habari mnamo Tarehe 3 Januari 2018, Waziri wa Habari, Utamaduni, Sanaa na Michezo Mheshimiwa Harrison Mwakyembe aliteua wajumbe kumi na mbili kuunda kamati ambayo ingetengeneza Rasimu ya katiba ya chombo cha kusimamia ngumi za kulipwa nchini Tanzania.

Kamati hiyo iliyoongozwa na mwenyekiti ndungu Emmanuel Saleh, Joe Anea (makamu mwenyekiti) na Yahya Poli (katibu), wajumbe wengine ni Habib Kinyogoli, Rashid Matumla, Anthony Ruta, Shomari Kimbau, Dr. Killaga M. Killaga, Karama Nyilawila, Fike Wilson, Jaffar Ndame na Ali C. Bakari, iliagizwa kuandaa Rasimu hiyo na kutakiwa  kuiwasilisha kwa Mheshimiwa Waziri mnamo tarehe 31 Januari 2018, lakini kutokana na ratiba ya Mheshimiwa Waziri kubana, kamati iliweza kumkabidhi Rasimu hiyo Tarehe 3 Februari 2018.

Baada ya Mheshimiwa Waziri kuipokea Rasimu hiyo ya katiba ya chombo cha kusimamia Ngumi za kulipwa nchini Tanzania, aliipongeza na kuishukuru kamati hiyo  kwa kazi nzuri iliyofanya kwa umahiri mkubwa na kujitoa kwa muda wao binafsi, na kuahidi kuwa atateua kamati nyingine na kuitangaza Tarehe 8 Februari 2018.

Kamati hiyo ambayo ameiteua Mheshimiwa Waziri inajumuisha wajumbe wafuatao:-

1.       Emmanuel  Saleh                                                        Mwenyekiti,

2.      Joe Anea                                                                       Makamu Mwenyekiti,

3.      Yahya Poli                                                                     Katibu,

4.      Habib Kinyogoli                                                             Mjumbe,

5.      Rashid Matumla                                                             Mjumbe,

6.      Anthony Ruta                                                                Mjumbe,

7.      Shomari Kimbau                                                            Mjumbe,

8.     Dr. Killaga M.Killaga                                                      Mjumbe,

9.      Karama Nyilawila                                                          Mjumbe,

10.  Fike Wilson                                                                   Mjumbe,

11.   Jaffar Ndame                                                                Mjumbe,

12.  Ali C. Bakari                                                                  Mjumbe,

Kamati hii itakuwa na Majukumu yafuatayo:-

1. Kusaidia Baraza la Michezo la Taifa Kuratibu shughuli za kila siku za Ngumi za Kulipwa Nchini Tanzania.
2. Kupokea maoni kwa maandishi kutoka kwa wadau wa ngumi katika kipindi cha mwezi mmoja kupitia tovuti ya Baraza la Michezo la Taifa ambayo ni www.nationalsportscouncil.go.tz na tovuti ya Wizara ya Habari, Utamaduni, Sanaa na Michezo www.habari.go.tz
3. Kuratibu mkutano wa kujadili Rasimu katika kipindi cha miezi miwili ili kuwapa wadau waliokosa nafasi kwa njia ya maandishi kutoa maoni yao.
4. Kuandaa mkutano mkuu wa uchaguzi.

Mwisho kabisa kamati hii itaanza kufanya kazi leo hii Tarehe 8 Februari 2018 baada ya kutangazwa Rasmi.

Imetolewa na,

M.Kiganja,

Katibu Mkuu-BMT.